Саудия Арабистонида ўтган ўсмирлар ўртасидаги Осиё чемпионатида ғолиб бўлган Ўзбекистон терма жамоаси футболчиларига Президент совғаси сифатида автомобиллар топширилади.
Жамоа футболчиларига Chevrolet Cobalt автомобиллари, мураббийлар штабига эса Chevrolet Tracker автомобили тақдим этилади.
Ўзбекистон ўсмирлар терма жамоаси бугун, 21 апрель куни соат 19:00 да Тошкент шаҳридаги маҳаллий аэропортда тантанали кутиб олиниши режалаштирилган.
Эслатиб ўтамиз, аввалроқ Ўзбекистон Республикаси Президенти Шавкат Мирзиёев Ўзбекистон ўсмирлар терма жамоаси аъзоларини Осиё чемпионлиги билан табриклаганди.
