Венгрия Халқаро жиноят судидан чиқишга қарор қилди.
Венгрия парламенти мамлакатнинг Гаагада жойлашган Халқаро жиноят суди (ХЖС)дан чиқиши ҳақида қарор қабул қилди. Бу ҳақда Венгрия ташқи ишлар вазири Петер Сийярто X ижтимоий тармоғида расман маълум қилди.
Ушбу қарор Венгрия ҳукумати томонидан 3 апрель куни эълон қилинган ХЖСдан чиқиш жараёнининг давоми ҳисобланади. Шу куни мамлакат пойтахти Будапештда Исроил Бош вазири Биньямин Нетаньяху расмий ташриф билан бўлиб турган эди.
Аввалроқ Венгрия Бош вазири Виктор Орбан ХЖС томонидан Нетаньяҳуга нисбатан чиқарилган ҳибсга олиш ордерини мамлакат ҳудудида бажармаслигини маълум қилган эди. Унинг таъкидлашича, Будапешт халқаро ҳуқуқ нормаларидан фарқли равишда, давлат раҳбарларига нисбатан суд таъқибини маъқулламайди.
Шу тариқа, Венгрия ХЖСдан чиқиш йўлини тутган Европадаги илк давлатлардан бирига айланди. Бу қарор халқаро ҳамжамиятда турли муносабатларга сабаб бўлмоқда.
Абдуллоҳ Саййид
