Россия Федерациясида Марказий Осиё мамлакатларидан келган мигрант ота-оналар сони кескин ошгани кузатилмоқда. Бу ҳақда Россия Фанлар академияси маълум қилди.
Маълумотларга кўра, 2016 йилдан 2023 йилгача Тожикистонлик оталар сони 286,8 фоизга, оналар сони эса 236,6 фоизга ошган. Қирғизистонлик оталар сони 258,1 фоизга, оналарники 84 фоизга ўсган.
Энг кўп мигрант ота-оналар Москва ва Санкт-Петербургда қайд этилган. Бу ерда туғилганларнинг деярли ярми – иммигрантлар. Шу билан бирга, русларнинг демографик улуши ҳар йили ўртача 3,1 фоизга пасаймоқда.
Россиялик олимларининг маълумотларига кўра, 2011 йилдан 2023 йилгача Марказий федерал округда барча мигрантлар орасида Марказий Осиёдан келган ота-оналарнинг улуши йилига ўртача 30,1 фоизга ўсган.
Абдуллоҳ Саййид
