Самарқанд вилояти Ургут туманида Cobalt ва Жигули тўқнашиб, аянчли йўл-транспорт ҳодисаси содир этди.
Маълум қилинишича, жорий йилнинг 30 апрель куни соат 10:30 ларда Ургут тумани “Сариқтепа”маҳалласи ҳудудидан ўтувчи D-066 автомобиль йўлининг 66-километрида ҳайдовчи Cobalt русумли автомобилини Ургут-Кенагас йўналиши бўйлаб бошқариб бораётиб, ўзи билан бир йўналишда олдинда ҳаракатланиб кетаётган транспорт воситасини қувиб ўтиш мақсадида қарама-қарши йўналишга чиққан. Шу вақтда тўғридан ўз йўлида келаётган ВАЗ-21-063 русумли транспорт воситаси билан тўқнашиб, ЙТҲ содир этган.
ЙТҲ оқибатида жароҳатланганлар туман тиббиёт бирлашмасига етказилган. Ҳозирда ҳолат юзасидан Ургут тумани ИИБ томонидан дастлабки тергов ҳаракатлари олиб борилмоқда, дейилади хабарда.
