Аввалроқ, ижтимоий тармоқларда бозорда бегона аёл бир қизчага пичоқ санчиб олгани акс этган видео тарқалди. Ҳолат юзасидан Бош прокуратура матбуот котиби Ҳаёт Шамсутдинов darakchi.uz’га маълумот берди.
Маълум бўлишича, ҳодиса 1 май куни Денов туманида содир бўлган. Аёл 3 ёшли қизга ҳеч бир сабабсиз ошхона пичоғи билан ҳаёт учун хавфли бўлган оғир тан жароҳатларини етказган. Олинган тан жароҳатлари оқибатида қиз туман тиббиёт бирлашмасида вафот этган.
Аёлга нисбатан Жиноят кодексининг 97-моддаси (қасддан одам ўлдириш) билан жиноят иши қўзғатилган.
Гумонланувчи аёл процессуал тартибда ушланган.
Олинган дастлабки маълумотларга кўра, аёл руҳий касалликлар диспансерида рўйхатда турган.
Тергов ҳаракатлари давом этмоқда.
