Turkish Airlines ва Pegasus Airlines Москва ҳамда Санкт-Петербургдан Анталия, Истанбул ва Бодрум шаҳарларига бўлган рейсларни бекор қилди. Россия Туроператорлари Ассоциацияси (ATOR) ҳисоб-китобларига кўра, рейсларнинг бекор қилиниши 15 мингга яқин кишига таъсир қилади.
Turkish Airlines Внуково аэропортидан Анталия, Бодрум, Даламан ва Истанбулга бўлган 20 та рейсни бекор қилди. Шу аэропортдан Pegasus Airlines компанияси ҳам Анталия, Истанбул ва Бодрумга йўналтирилган тўртта рейсни бекор қилди, деб хабар берди Россия Туроператорлари Ассоциацияси (ATOR).
Санкт-Петербургдан эса яна еттита рейс — Анталия ва Истанбулга — бекор қилинди.
«Ҳозирда Turkish Airlines компаниясида фақат битта Истанбулга рейс қолган, Pegasus Airlines компаниясида эса битта Анталия ва битта Истанбул рейси қолган, аммо улар ҳам бекор қилиниши мумкин. 9 май куни Внуковода Turkish Airlines компаниясининг Истанбул ва Анталияга кечки вақтдаги саккизта рейси бекор қилинган ҳолатда кўрсатилган (шу билан бирга, Истанбулга амалга оширилаётган рейслар ҳам мавжуд), Pegasus Airlines компаниясида ҳозирча бекор қилиш ҳолатлари йўқ», — дейилади хабарда.
ATOR маълумотларига кўра, бекор қилинган рейслар сони 15 мингдан ортиқ йўловчини қамраб олмоқда.
6 ва 7 май кунлари Россия аэропортларида украин дронларининг ҳужуми сабабли вақтинчалик чегараловлар жорий этилган эди. Внуково, Домодедово, Жуковский ва Шереметьево аэропортларида рейсларни қабул қилиш ва юбориш бир неча марта тўхтатилган. 7 май кечқурун бу чекловлар бекор қилинди. Москва шаҳар мэри Сергей Собянин шаҳарга яқинлашган камида 14 та дрон уриб туширилганини маълум қилди.
