Turkish Airlines авиакомпанияси самолёт тўлиқ тўхтагунига ва “хавфсизлик камарларини тақинг” белгиси ўчмагунига қадар ўрнидан турган йўловчиларга жарима солиш амалиётини жорий этмоқда. Бу ҳақда Туркия Фуқаро авиацияси бош бошқармаси томонидан чиқарилган кўрсатмада маълум қилинди.
Расмий маълумотларга кўра, бу каби хатти-ҳаракатлар авиация қоидаларини бузиш сифатида баҳоланади. Бундан ташқари, қўниш пайтида борт ходимларининг кўрсатмаларига риоя қилмаслик, экипаж рухсатисиз юқори багаж полкаларини очиш ҳам қоидабузарлик ҳисобланади.
Turkish Airlines вакилларининг тушунтиришича, бу чора нафақат тартибни сақлаш, балки ҳаво кемасининг кутилмаган ҳаракати ёки юкнинг тушиб кетиши орқали юзага келадиган жароҳатларнинг олдини олиш мақсадини ҳам кўзлайди.
Борт ходимлари ҳар бир рейсда қўнишдан олдин ушбу янги тартиб ҳақида йўловчиларни албатта огоҳлантириши шарт. Ҳозирча жарима миқдори ҳақида аниқ маълумот берилмаган.
Абдуллоҳ Саййид
