Жиззах вилояти Жиззах шаҳар "Халқабод" МФЙда жойлашган бозор яқинидаги чойхонада ёнғин содир бўлганлиги тўғрисида ФВБга хабар тушган.
Шунга кўра 2 та ёнғин-қутқарув экипажи ёнғин жойига етиб борган. Ҳозирда ёнғинни бартараф этиш ишлари олиб борилмоқда.
Айрим ижтимоий тармоқларда Жиззах шаҳардаги бозорда ёнғин содир бўлаётганлиги тўғрисида нотўғри хабарлар тарқалмоқда. Аслида ёнғин бозор яқинидаги ошхонада рўй берган.
Ёнғин соат 13:39 да қуршаб олинган.
Ёнғинни ўчириш ишлари давом этмоқда. Олиб борилаётган саъй-ҳаракатлар натижасида ёнғин майдони қисқариб бормоқда.
