АсосийЖамият

Шавкат Мирзиёев қурилиш материаллари саноатидаги ишлар ва асосий вазифаларга оид тақдимот билан танишди

“Шаффоф қурилиш” платформасида қурилиш материаллари корхоналари реестрини ташкил қилиб, у орқали сифат назоратини таъминлаш вазифаси қўйилди.

'Шавкат Мирзиёев қурилиш материаллари саноатидаги ишлар ва асосий вазифаларга оид тақдимот билан танишди'ning rasmi

Президент Шавкат Мирзиёев 19 май куни қурилиш материаллари саноатидаги ишлар ва асосий вазифаларга оид тақдимот билан танишди. Бу ҳақда Президент матбуот хизмати хабар берди. 

Аҳоли сони ўсиб, урбанизация кенгайиб бораётгани сифатли қурилиш материалларига талабни йилдан йилга ошираяпти. Тармоқ шунга мос равишда ривожлантириб борилмоқда. Кўплаб лойиҳалар амалга оширилиб, ҳозирги кунда 10 мингга яқин корхона фаолият юритмоқда.

Бу йил биринчи чоракда ишлаб чиқариш 8 фоизга, экспорт эса 11 фоизга ўсди. Инвестиция дастури доирасида 500 миллион долларлик 9 та йирик лойиҳа ишга тушди. Душанбе, Кобул ва Филадельфия шаҳарларида “Ўзбекистон савдо уйи” ташкил этилди.

Ҳали олдинда режалар кўп. Йил якунигача 2,4 миллиард долларлик 312 та лойиҳани бажариб, 16 минг юқори даромадли иш ўрни яратиш, ишлаб чиқариш миқдорини 53 триллион сўмга, экспортни 1,2 миллиард долларга етказиш мўлжалланган.

Тақдимотда мутасаддилар ушбу кўрсаткичларга эришиш чора-тадбирлари юзасидан ахборот берди.

Давлатимиз раҳбари соҳада сифат, таннарх ва қурилиш маданияти энг долзарб масала эканини таъкидлади. Замонавий технологияларни жорий этиб, маҳаллий маҳсулотларнинг рақобатбардошлигини ошириш, юртимиздаги бунёдкорлик ишларида улардан кенгроқ фойдаланиш вазифалари кўрсатиб ўтилди.

Бунга эришишда илм-фан ва амалий ишланмалар муҳим. Шу мақсадда соҳа бўйича “R&D” тадқиқотлар маркази очилди, Германиядан маслаҳатчи жалб қилинди.

Мисол учун, ариқ ва канал юзалари учун ўрамли бетон қопламаси тайёрлаш технологияси бўйича иш бошланган. Натижада бетонлашга кетадиган вақт ва харажат 10 фоизга, сув сарфи 3-5 фоизга камайиши ҳисоб-китоб қилинган.

Президентимиз геология ва илмга катта эътибор қаратиб, ички ва ташқи бозорлар учун юқори қўшилган қийматли маҳсулотлар етказиб бериш зарурлигини таъкидлади. Энергия ва ресурс сарфи юқори йўналишларни таҳлил қилиб, тежамкор инновацион ечимларни қўллаш муҳимлиги қайд этилди.

Ўтган йили тармоқдаги йирик корхоналар энергия аудитидан ўтказилганда 300 миллион киловатт соат иқтисод қилиш имконияти аниқланган. Бундай корхоналарда технологияни янгилаш ҳамда иш тартибини оқилона ташкил этиш орқали харажатларни камайтириш мумкинлиги айтилди.

“Шаффоф қурилиш” платформасида қурилиш материаллари корхоналари реестрини ташкил қилиб, у орқали сифат назоратини таъминлаш вазифаси қўйилди.

    Бизни ижтимоий тармоқларда кузатиб боринг

    Бошқа янгиликлар

    'Тошкентдаги бозорда ИИБ ходими пичоқланди'ning rasmi

    Жамият 19.05.2025 21:40

    Тошкентдаги бозорда ИИБ ходими пичоқланди

    Пост-патруль хизмати инспектори фуқарони текшираётганда пичоқ билан тўсатдан ходимга ҳужум қилиб, бўйин қисмига жароҳат етказган.

    'Буюк Британия мактабларида мамлакатнинг туб аҳолиси қора танлилар эди, деб ўқитишмоқда - The Telegraph'ning rasmi

    Жамият 19.05.2025 21:03

    Буюк Британия мактабларида мамлакатнинг туб аҳолиси қора танлилар эди, деб ўқитишмоқда - The Telegraph

    Ҳисобот муаллифлари “орттирилган ва баҳсли тарихий талқинлар гўё тасидқланган ҳақиқатдек ўргатилаётганини” танқид қилишди.

    'Шавкат Мирзиёев Будапештга жўнаб кетди'ning rasmi

    Жамият 19.05.2025 17:46

    Шавкат Мирзиёев Будапештга жўнаб кетди

    Ўзбекистон етакчиси Туркий давлатлар ташкилоти норасмий саммитида ҳам иштирок этади.

    'Долларнинг расмий курси янгиланди'ning rasmi

    Жамият 19.05.2025 16:49

    Долларнинг расмий курси янгиланди

    Марказий банк хорижий валюталарнинг сўмга нисбатан қийматини эълон қилди.

    'Авиачипталарнинг сунъий тақчиллигини келтириб чиқарган авиакомпаниялар жавобгарликка тортилади'ning rasmi

    Жамият 19.05.2025 15:07

    Авиачипталарнинг сунъий тақчиллигини келтириб чиқарган авиакомпаниялар жавобгарликка тортилади

    Рақобат қўмитаси маҳаллий ва халқаро парвозларни амалга оширувчи авиакомпанияларни огоҳлантирди.

    'Марказий банк бир ойда 6 та банкни жаримага тортди'ning rasmi

    Жамият 19.05.2025 13:48

    Марказий банк бир ойда 6 та банкни жаримага тортди

    Ўтган ойда 3 та ломбард ва 2 та микромолия ташкилотига ҳам жарима санкцияси қўлланилган.