Украина президенти Владимир Зеленский Германия канцлери Фридрих Мерс билан Берлинда ўтказилган матбуот анжуманида мамлакати НАТОнинг июнь ойида бўлиб ўтадиган саммитида қатнашиши зарурлигини таъкидлади.
Унинг айтишича, Кйивнинг саммитда қатнашмаслиги Россия президенти Владимир Путин учун геосиёсий ютуққа айланади.
“Бу Украина устидан эмас, НАТО устидан қозонилган ғалаба бўлади”, — дейди Зеленский.
Шунингдек, у Россияни тинчлик музокараларини кечиктираётганликда айблади. Украина томонининг билдиришича, Москва навбатдаги икки томонлама учрашув жойини ҳанузгача келишмаган.
“Улар урушни тугатмаслик учун доимий равишда сабаб излаб келади”, — дейди Зеленский.
Украина президенти Германияга ҳаво ҳужумидан мудофаа (ПВО) тизимлари етказиб берилгани учун миннатдорлик билдирди ва бу йўналишда Берлин билан муҳим келишувлар мавжудлигини қайд этди. Мазкур келишувлар тафсилотлари ошкор этилмади.
