“Греэнпеаcе” ҳаракати фаоллари Париждаги “Гревен” музейига ишчи кийимида кириб, Франция президенти Эммануэл Макроннинг мум ҳайкалини ўғирлаб чиқишди.
Улар ҳайкални адёлга ўраб, хизмат эшиги орқали олиб чиқишган. Маълумотларга кўра, скульптура қиймати 40 минг еврога тенг.
Бу ғайриоддий акциянинг асосий мақсади — Россиядан газ, атом электр станциялари учун ёқилғи ва ўғит сотиб олишга қарши норозилик билдириш бўлди.
Ҳайкални кўтариб олган 10 га яқин фаол Россия байроғи фонида Париждаги Россия элчихонаси олдида митинг ўтказди.
Уларнинг баннерида қуйидаги сўзлар битилган эди: “Украина ёнмоқда, бизнес эса давом этмоқда”.
“Греэнпеаcе” бу орқали Франциянинг уруш давом этаётган бир вақтда Россия билан иқтисодий алоқаларни сақлаб қолаётгани ва бу билан Кремлга билвосита молиявий кўмак кўрсатаётганини очиқ танқид қилди.
