Теҳрон 11 июнь куни расмий баёнотида, Эрон разведкаси Исроилдан олинган махфий ҳужжатлар “Зионист режим”нинг хавфсизлик тизимидаги катта заифликларини очиб берганини эълон қилди.
Баёнотда айтилишича, бу операция “Эрон қаршилик ўқи” учун мисли кўрилмаган ғалаба ҳисобланади. Ҳужжатлар Исроилнинг ядровий қуроллар, ракета дастурлари, икки мақсадли технологиялар ҳамда ядро лойиҳаларини АҚШ ва Европа билан яширин алоқа орқали юритаётганини фош қилган.
Эрон ҳукумати бу маълумотларнинг бир қисмини дўст давлатлар билан алмашишни, бошқа қисмини эса илмий ва ҳарбий мақсадларда ишлатишни режалаштирган.
Шунингдек, ҳужжатлар Ғарб давлатларининг Исроил ядро дастурларини молиялаштиргани ва ҳимоя қилганини ҳам очиқлаган. Эрон бу ҳолатни “иккиюзламачилик” деб атади — чунки айнан шу давлатлар йиллар давомида Эронга нисбатан босим ўтказиб келади.
Расмий Теҳрон ушбу операцияни “Зионист режим тарихидаги энг кучли разведка муваффақиятсизлиги” деб атади.
