Қора рангли пластик ошхона анжомлари таркибида заҳарли моддалар бўлиши мумкин

Пластикнинг айрим турлари соғлиқ учун потенциал хавф туғдириши мумкин, бу ҳақда Россия эпидемиология илмий-тадқиқот институти қошидаги марказ мутахассиси Михаил Лебедев маълум қилди.

 "Иссиқ таомлар тайёрлаш жараёнида ишлатиладиган  капкир, қошиқ ва бошқа ошхона анжомлари тайёрланадиган қора пластмасса таркибида антипиренлар - ёнғиннинг олдини олиш учун мўлжалланган етарлича заҳарли моддалар мавжуд," - деди у.

Мутахассис бундай маҳсулотларни хавфсизроқ аналоглар билан алмаштиришни тавсия қилди.

Лебедевнинг таъкидлашича, бамбук ёки ёғоч каби табиий материаллар мутлақо хавфсиз бўлиб, узоқ вақт ишлатилганда ҳам соғлиққа зарар етказа олмайди.