Кеча, 22 июнь куни, Нидерландиянинг сиёсий маркази – Гаага шаҳри тинчлик шиорлари ва норозилик ҳайқириқлари остида уйғонди. Бу ерда НАТО саммитига қарши норозилик маршибўлиб ўтди.
Намойишда сўл партиялар вакиллари, пацифистлар, “ЛГБТҚ+” ҳаракати тарафдорлари, шунингдек Эрон ва Ғазо аҳолиси билан бирдамлик билдирган юзлаб фаол қатнашди. Кўпчилик намойишчилар қўлларида Фаластин байроқлари, бошларида эса “арафатка”лар билан кўринди.
Эътиборлиси, намойиш давомида баъзи қатнашчилар Германияда тақиқланган “Дарёдан денгизгача…” шиорини ҳам янгради. Бу эса бир қанча Европа давлатларида сиёсий кескинликка сабаб бўлиши мумкин.
НАТО саммити айнан Гааагада яқин кунларда ўтказилиши режалаштирилган. Намойишчилар бу саммитни танқид остига олди. Нидерландиянинг Социалистлар партияси депутати Жимми Дейкҳукуматни Ғазодаги геноцидга нисбатан сукут сақлаётганликда айблади.
Протестант ташкилоти — “Тинчлик ва черков” вакили Хенк Баарс эса шундай дейди:
“Христианлар уруш блокида бўлмаслиги керак. НАТО бу — зўравонликка сармоя.”
Намойишчилар сони борасида эса тафовутли маълумотлар бор. Нидерландиянинг “Де Telegraaf” нашрига кўра, акцияда 5 мингга яқин одам иштирок этган. Бироқ AP агентлиги бу рақамни бир неча юз нафар деб баҳолаган.
