Сурхондарё вилоятининг Бойсун туманидаги метан шохобчада Nexia машинасида чақнаш содир бўлди.
Маълум бўлишича, ҳодиса бугун, 28 июль куни соат 7:15 лар атрофида содир бўлган. Nexia машинаси ҳайдовчиси метан-заправкага газ тўлдириш мақсадида кирган. Газ тўлдириш жараёнида машина портлаб кетган. Бунинг оқибатида бир киши оғир тан жароҳатлари олиб, вафот этган.
Ижтимоий тармоқларда тарқалган видеолавҳаларда кўринишича, портлаш оқибатида машинанинг том ва орқа қисми йўқ бўлиб кетган. Ҳозирда ҳолат юзасидан суриштирув ишлари олиб борилмоқда.
Ҳозирча ҳодиса юзасидан расмий маълумот берилмади.
