Россия президенти Владимир Путин Ғарб давлатлари, жумладан АҚШ, унинг Украина бўйича тинчлик шартларини қабул қилмагунича ҳарбий ҳаракатларни тўхтатмаслигини маълум қилган. Бу ҳақда Zamon.uz хабар берди.
Манбаларнинг таъкидлашича, Россия армияси майдонларда олдинга силжиган сари, Москванинг ҳудудий талаблари ҳам кенгайиши мумкин. Путин АҚШ президенти Доналд Трамп томонидан билдирилган таҳдидларга қарамай, Россиянинг иқтисодий ва ҳарбий салоҳияти Ғарб санкциялари ва босимига бардош бера олишини ҳисобга олган ҳолда, муросасиз позицияни сақлаб қолмоқда.
“Путин Ғарб, хусусан АҚШ, ҳозиргача Украина бўйича музокараларга жиддий ёндашмаган деб ҳисоблайди. Шу боис у ўз сиёсий ва ҳарбий мақсадларига эришмагунча жанговар ҳаракатларни давом эттиришга қатъий бел боғлаган”, — дейди манбалардан бири.
Шунингдек, манбага кўра, Россия етакчиси Доналд Трамп билан алоқаларни муҳим деб билса-да, Россиянинг миллий манфаатларини биринчи ўринга қўяди.
