Newsweek’нинг ёзишича, Эрон ҳарбий жиҳатдан энг зарур бўлган техникаларни айнан Хитойдан олмоқчи.
Мутахассислар буни Россиянинг ҳозирги имкониятлари чеклангани билан изоҳламоқда — Украина уруши фонида Кремль катта ҳажмдаги ҳарбий маҳсулотни қисқа фурсатда етказиб беришга ожизлик қилмоқда.
Теҳрон айниқса ҳаво ҳужумидан мудофаа тизимларини янгилашга устувор аҳамият бермоқда. Хитой эса бу борада икки йўналишда таклиф бера олади:
– Россиянинг машҳур С-300 тизимига асосланган ҳимоя воситалари
– шунингдек, Покистон ва Ҳиндистон билан тўқнашувларда синовдан ўтган J-10 қирувчи самолётлари.
Мутахассисларнинг фикрича, Эроннинг бу қарори нафақат ҳарбий стратегияни, балки минтақадаги янги геосиёсий мувозанатни ҳам англатади.
