Бангладешда ўқув самолёти коллеж ва мактаб ҳудудига қулаб тушди. 19 киши ҳалок бўлди, 50 дан ортиқ одам жароҳат олди. Бу ҳақда Reuters хабар берди.
Агентликнинг Бангладеш расмийларига таяниб хабар беришича, мамлакат Ҳарбий-ҳаво кучларига тегишли F-7 BGI русумидаги ўқув самолёти Даккадаги коллеж ва мактаб ҳудудига қулаб тушган. Ҳодиса оқибатида Камида 19 киши ҳалок бўлган, 50 дан ортиқ одам жароҳат олган.
Воқеа жойидан олинган фото ва видеоларга кўра, самолёт бинолардан бирининг деворига урилиб, ёниб кетган.
Маҳаллий Prothom Alo нашрининг ёзишича, самолёт ҳавога кўтарилгандан 12 дақиқа ўтиб қулаб тушган. Ҳалокат сабаблари ҳозирча номаълум. 22 июль куни Бангладешда ҳалок бўлганлар хотирасига мотам эълон қилинди.
