АҚШнинг Колорадо штатидаги Денвер халқаро аэропортида American Airlines компаниясининг Boeing 737 Max йўловчи самолёти бортида ёнғин содир бўлди. Бу ҳақда CNN хабар берди.
Маълумотларга кўра, муаммо парвоз вақтида юзага келган. Майамига қараб кетаётган самолётнинг қўниш мосламасида тўсатдан ёнғин юз берган.
Самолёт бортида олти нафар экипаж аъзоси ва 173 йўловчи бўлган. Барча йўловчилар зудлик билан самолётдан эвакуация қилинган. Фавқулодда хизматлар маълумотларига кўра, беш киши енгил тан жароҳати олган, бир йўловчи шифохонага ётқизилган.
