Тошкент вилоятида Миллий хавфсизлик хизмати ва вилоят прокуратураси томонидан ўтказилган тезкор тадбир давомида Бекобод шаҳар МИБ давлат ижрочиси 13 миллион сўм пора олаётган пайтда қўлга олинди.
Аниқланишича, у алимент қарздорлиги сабабли қўйилган хорижга чиқиш тақиқни олиб ташлаш эвазига фуқародан жами 20 миллион сўм сўраган. У илгарироқ 450 доллар ва 1,3 млн сўм ҳам олган.
Суд ҳукмига кўра, жиноятчи Жиноят кодексининг тегишли моддалари билан айбдор деб топилиб, 6 йилга озодликдан маҳрум этилди. Шунингдек, у 2 йил давомида давлат хизматида ишлаш ҳуқуқидан маҳрум қилинди.
