Кеча, 11 август куни Тошкент вилояти, Тошкент туманида жойлашган “Уч қаҳрамон” бозорида ёнғин содир бўлди. Ёнғин тезкор чоралар билан чеклаб қўйилиб, 12 минг квадрат метр майдондаги дўконлар сақлаб қолинган. Бозорнинг умумий 20 минг квадрат метрлик ҳудудидан 40 фоизи зарар кўрган.
Ҳодиса оқибатида ҳеч ким жабрланмаган. Ёнғин сабаблари юзасидан Ўзбекистон Республикаси Жиноят кодексининг 259-моддаси 2-қисми “б” банди (ёнғин хавфсизлиги қоидаларини бузиш) бўйича жиноят иши қўзғатилди.
Ҳозирда ёнғиннинг келиб чиқиш сабаблари бўйича тергов ҳаракатлари олиб борилмоқда. Якуний хулоса эълон қилиниши кутилмоқда.
