Венгрия ташқи ишлар вазири Петер Сийярто кескин чиқди: “Бизни урушга тортяпти! Энергетик хавфсизлигимизга қилинган бу ҳужум — шармандали ва қабул қилиб бўлмайдиган иш”, дейди у. Лекин ҳужум тафсилотлари очиқланмади.
Қувурда таъмирлаш ишлари олиб борилмоқда, аммо нефть қачон қайта оқиши номаълум. Словакия ҳам “Дружба” орқали оқим тўхтаганини тан олди.
“Дружба” — Европага Россиядан оқиб келадиган энг катта қувур. Унинг бир учи Беларусдан ўтиб Германия ва Полшага кетади, иккинчиси эса Украина орқали Словакия, Венгрия ва Хорватияга боради.
Шу ўринда савол туғилади. Бу сафар ҳам қувур тақдирини сиёсий ўйинлар ҳал қиляптими? Darakchi.uz воқелар ривожинини кузатади.
