Германия ташқи ишлар вазири Ёҳанн Вадефул Украинанинг урушдаги келажаги ҳақида ижобий фикр билдирди. Унга кўра, Трампнинг хавфсизлик кафолатлари бериши ва фаол иштироки Путинни жиддий ўйлашга мажбур қилган.
Вадефул бу жараён тинчликка яқинлаштириши мумкинлигини таъкидлади. Бироқ у ҳали ҳам шубҳалар мавжудлигини айтди — Россия ҳужумларини тўхтатмаган ва ҳар сафар янги шартлар қўймоқда.
Германия вазирига кўра, музокаралар нейтрал давлатда бўлиши лозим. Шу нуқтада у Швейсарияни энг мақбул вариант сифатида тилга олди.
