Буюк Британия олимлари олмос асосидаги янги датчик ёрдамида саратон метастазларини аниқлаш усулини ишлаб чиқди. Бу ҳақда “Physical Review Applied” журналида эълон қилинди.
Билдирилишича,Британиялик физикларнинг янги қурилмаси ихчам, портатив ва хавфсиз. У олмоснинг ноёб хусусиятларига асосланади: НВ-марказлар (азот атомлари ва бўшлиқлардан ҳосил бўлган кристалл панжара нуқсонлари) энг кичик магнит майдон ўзгаришларини ҳам қайд этиши мумкин. Сенсор темир оксиди нанопартикуллари бўлган магнит суюқликка реакция қилади. Уни ўсмага юбориш орқали метастазлар қайси лимфа тугунларига тарқалганини кузатиш ва жарроҳлик пайтида аниқроқ олиб ташлаш мумкин бўлади.
Қурилма 0,5 мм куб ҳажмдаги микро-олмос ва кичик доимий магнит ёрдамида ишлайди, шу сабабли қўшимча катта электроника талаб этилмайди. Шифокорлар янгиликни юқори баҳолаган.
Мутахассислар келажакда ушбу сенсор ўпка, жигар, ичак ва қизилўнгачдаги ўсма турларини аниқлашда ҳам қўлланиши мумкин, деб ҳисобламоқда.
