Эрон Олий раҳбарининг ҳарбий маслаҳатчиси Муҳсин Ризоий АҚШни огоҳлантириб, Ҳормуз бўғозидаги кескинлик давом этса, америкалик ҳарбий кемалар “қабристон”га айланишини айтди.
Унинг таъкидлашича, Эрон зарурат туғилса, АҚШ ҳарбий кучларига жиддий зарба бериш имкониятига эга.
Ҳозирда Ҳормуз бўғозида вазият таранглигича қолмоқда — савдо кемалари ҳаракати кескин камайгани қайд этилмоқда. Бу ҳолат глобал энергия таъминотига салбий таъсир кўрсатиши мумкин.
Шу билан бирга, Эрон АҚШга уч босқичли тинчлик режасини таклиф этган, аммо Дональд Трамп бу таклифни рад этган.
