Ўзбекистоннинг бир қатор миллий маҳсулотлари хорижда ҳам ҳуқуқий ҳимояга эга бўлиши кутилмоқда. Бунинг учун Сенат Лиссабон битимининг Женева актига Ўзбекистоннинг қўшилиши тўғрисидаги қонунни маъқуллади.
Ҳужжатга мувофиқ, географик кўрсаткич ва товар келиб чиққан жой номи сифатида рўйхатдан ўтган маҳсулотларни халқаро миқёсда соддалаштирилган тартибда ҳуқуқий муҳофаза қилиш имконияти яратилади.
Жумладан, Чуст пичоғи, Хоразм қовуни, Самарқанд нони ва Марғилон адраси каби миллий брендлар хорижий давлатларда ҳам халқаро тизим орқали рўйхатдан ўтказилиши мумкин бўлади.
