Бугун, 11 июль куни “Қамчиқ” довонида Lacetti русумли енгил автомобиль ёнди. Бу ҳақда “Қамчиқ” махсус қутқарув бошқармаси хабар қилди.
Маълум қилинишича, соат 17:50 да А-373 автомобиль йўлининг “Тошкент–Водий” йўналишида ҳаракатланаётган Lacetti автомобилида ёнғин чиққанлиги ҳақида хабар келиб тушган. Қутқарувчилар воқеа жойига тезкор етиб бориб, ёнғинни тўлиқ бартараф этган.
Дастлабки маълумотларга кўра, ҳайдовчи бошқарувни йўқотиб, йўл четидаги темир тўсиққа урилган. Тўқнашув оқибатида автомобильнинг электр тизимида қисқа туташув юзага келиб, ёнғин содир бўлган.
Ҳайдовчи автомобилдан ўз вақтида чиқиб, хавфсиз жойга ўтган. Ҳодиса оқибатида жабрланганлар йўқ.
Ҳозирда ёнғиннинг аниқ сабаби ва етказилган моддий зарар миқдори ўрганилмоқда.
