Тошкент шаҳрида хизмат вазифасини бажариш вақтида содир бўлган йўл-транспорт ҳодисаси оқибатида ҳалок бўлган Йўл-патруль хизмати ходимининг шахси маълум бўлди.
Маълум қилинишича, марҳум Озодбек Мадиёржон ўғли Қўлдошалиев Йўл-патруль хизмати бригадаси Махсус батальони мото гуруҳи командири, лейтенант лавозимида хизмат қилган.
У хизмат вазифасини бажараётган вақтда юз берган йўл-транспорт ҳодисаси оқибатида 29 ёшида вафот этган.
Озодбек Қўлдошалиев Фарғона вилоятининг Қўқон шаҳрида туғилган.
Эслатиб ўтамиз, ҳодиса 16 июль куни Тошкент шаҳрининг Дўрмон йўли кўчасида содир бўлган. Дастлабки маълумотларга кўра, Onix русумли енгил автомобиль патруллик мотоцикли билан тўқнашган. Оқибатда Йўл-патруль хизмати инспектори воқеа жойида ҳалок бўлган, яна бир неча ходим тан жароҳати олган.
