Унинг маълумотларига кўра, ўтган мавсум якунланганидан сўнг футболчининг отаси Марк Беллингем "Реал Мадрид" раҳбарияти билан ўғлининг эҳтимолий трансфери бўйича музокаралар ўтказган.
Қайд этилишича, музокараларга жамоадаги айрим спорт масалалари бўйича юзага келган келишмовчиликлар сабаб бўлган. Бироқ Мадрид клуби раҳбарияти ўз позициясини аниқ билдирган — "Реал" Жуд Беллингемни сотишни режалаштирмаяпти.
Маълумот учун, Жуд Беллингем 2023 йилда Дортмунднинг "Боруссия" клубидан 127 миллион евро эвазига "Реал Мадрид" сафига қўшилган эди. Англиялик футболчининг мадридликлар билан амалдаги шартномаси 2029 йил июнь ойига қадар мўлжалланган.
Беллингем "Реал Мадрид" таркибида барча мусобақаларда 140 та учрашувда майдонга тушиб, 46 та гол урган ва 33 та голли узатмани амалга оширган.
