АҚШнинг юқори мартабали амалдорларидан бири агар Исроил ҲАМАС томонидан қабул қилинган ва Вашингтон қўллаб-қувватлаётган қуролсизланиш таклифи ортидан Дональд Трампнинг Ғазони тиклаш режасини амалга оширишга тўсқинлик қилса, АҚШ Президенти бундан “жуда қаттиқ хафа бўлиши”ни билдирди.
Бу ҳақда манбаларга таяниб, CNN хабар қилди.
Маълум қилинишича, огоҳлантириш Исроил Бош вазири Бинямин Нетаньяҳу идораси ушбу таклифни етарли эмас, деб баҳолагани ортидан янгради.
Нетаньяҳу офисига кўра, тақдим этилган механизм Исроилнинг Ғазо сектори тўлиқ қуролсизлантирилиши ҳақидаги асосий талабига жавоб бермайди. Шу боис ҳукумат мазкур форматни қабул қилишга тайёр эмаслигини билдирган.
