АҚШнинг Пенсильвания штатидаги Эри шаҳрида содир бўлган отишма оқибатида тўққиз киши ҳалок бўлди. Қурбонлар орасида икки нафар бола ва ҳомиладор аёл ҳам бор. Бу ҳақда полиция маълумотларига таяниб, CBS телеканалининг маҳаллий филиали KBTX хабар берди.
Маълум қилинишича, отишма 10 октябрь куни аҳоли хонадонида содир бўлган. Дастлабки ўқ овозларидан сўнг полиция ходимлари уй яқинидан икки нафар жароҳатланган аёлни топган.
Гумонланувчи хонадон ичида яширингани сабабли воқеа жойига SWAT махсус бўлинмаси жалб этилган. Ҳуқуқ-тартибот идоралари ходимлари бинога кирганида бир нечта кишининг жасади, жумладан, гумонланувчининг ҳам жасадини аниқлаган.
Полиция маълумотига кўра, гумонланувчи ҳодисадан кейин ўз жонига қасд қилган.
Ҳозирча отишмага нима сабаб бўлгани ва воқеанинг бошқа тафсилотлари маълум қилинмаган.
