АҚШнинг собиқ президенти Жо Байденда аниқланган простата саратони танасининг бошқа қисмларига, жумладан суякларига ҳам тарқалган. Касаллик унга кучли оғриқ бермоқда. Бу ҳақда унинг ўғли Хантер Байден BBC’га берган интервьюсида маълум қилди.
Хантер Байден отасининг соғлиғи оғирлашганини айтиб, унинг аҳволини кузатиш жуда оғир эканини таъкидлаган.
"Саратон тарқалди, метастазлар суякларига ва ундан ҳам бошқа жойларга ўтган. Бу жуда оғриқли ва кўп жиҳатдан ҳолсизлантирувчи", — деди у.
Жо Байденда простата саратони 2025 йил май ойида аниқлангани маълум бўлган. У 83 ёшида АҚШ тарихидаги энг кекса президент сифатида Оқ уйни тарк этган.
Хантер Байденнинг сўзларига кўра, отаси ҳануз ўзи муҳим деб ҳисоблаган масалалар бўйича жамоатчиликка фикр билдиришда давом этмоқда.
Шунингдек, у отаси томонидан берилган афв ҳақида ҳам гапириб, бу қарор учун ундан миннатдор эканини айтган.
