Бугун, 12 август куни Тошкент шаҳри Миробод туманида янги қурилаётган бинода ёнғин содир бўлди. Бу ҳақда Тошкент шаҳар Фавқулодда вазиятлар бошқармаси маълум қилди.
Қайд этилишича, соат 08:57 да Миробод туманидаги Амир Темур шоҳ кўчасида жойлашган янги қурилаётган бинода қурилиш материаллари ёнаётгани ҳақида Тошкент шаҳар Фавқулодда вазиятлар бошқармасига хабар келиб тушган.
Хабар асосида ёнғин-қутқарув экипажлари соат 09:05 да воқеа жойига етиб борган. Ёнғин соат 09:09 да қуршаб олинган ва соат 09:10 да тўлиқ ўчирилган.
Ҳодиса оқибатида тан жароҳати олганлар йўқ.
Ҳозирда ёнғиннинг келиб чиқиш сабаби ҳамда етказилган зарар миқдори аниқланмоқда.
