Туркиянинг Мугла вилоятига қарашли Фетхие туманида 107 киши бўлган сайёҳлик кемасида ёнғин чиқди. Ҳодиса оқибатида йўловчиларнинг барчаси қутқариб олинган.
Маълум қилинишича, кунлик сайёҳлик саёҳатини амалга ошираётган кема Катранжи кўрфази яқинида бўлган вақтда ҳали сабаби аниқланмаган ёнғин содир бўлган. Олов қисқа вақт ичида кеманинг катта қисмига тарқалган.
Кемада бўлган йўловчилар қутқарув жилетларини кийиб, ўзларини денгизга ташлаган. Ҳодиса жойига Соҳил хавфсизлиги хизмати ходимлари ҳамда яқин атрофдаги бошқа кемалар етиб келиб, йўловчиларни эвакуация қилган.
Ҳодиса оқибатида барча йўловчилар қутқарилган.
