АҚШ Эронга қарши "тарихдаги энг қаттиқ санкциялар"ни жорий этишга тайёргарлик кўрмоқда. Бу ҳақда Zamon.uz маълум қилди.
Бессентнинг айтишича, янги чоралар Эронга нисбатан иқтисодий босимни янада кучайтиришга қаратилган. У санкцияларнинг тўлиқ тафсилотлари келаси ҳафта эълон қилинишини билдирган.
АҚШ Молия вазири янги иқтисодий чоралар кенг кўламли ҳарбий операцияларга эҳтиёжни камайтириши мумкинлигини таъкидлаган. Вашингтон, шунингдек, Эронга нисбатан иқтисодий босим билан бир қаторда денгиз блокадасини ҳам қўлламоқда.
Бессент АҚШнинг иттифоқчилари ва бошқа давлатларни ҳам Эронга нисбатан босим чораларини қўллаб-қувватлашга чақирган.
Вазирдан Хитойнинг Эрон билан иқтисодий алоқалари сабаб Пекинга қарши чоралар кўрилиши мумкинлиги ҳақида сўралган. Бессент бу масаладаги кўплаб музокараларни оммага ошкор қилмасдан, шахсий тартибда олиб бориш маъқул эканини айтган.
Хитой эса санкциялар муаммони ҳал қилишга ёрдам бермаслигини билдирган. Айни пайтда Хитой Эрон нефтининг асосий харидори бўлиб, мамлакат Эрон нефти экспортининг 80 фоиздан ортиғини сотиб олмоқда.
Бессентнинг баёноти АҚШ Президенти Дональд Трамп Эронга иқтисодий босимни кучайтириш ва уни халқаро майдонда изоляция қилишга қаратилган чоралар бошланганини маълум қилганидан сўнг янгради.
Шу билан бирга, АҚШнинг Эронга қарши босимни кучайтириши жаҳон нефть бозорига ҳам таъсир кўрсатмоқда. 21 август куни "Brent" нефти нархи ҳафталик ҳисобда ўсишда давом этган.
