Маълум қилинишича, Аргентина футбол ассоциациясига сентябрь ойида Хитойда ўртоқлик учрашуви ўтказиш бўйича таклиф келиб тушган. Бироқ хитойлик ташкилотчиларнинг дастлабки таклифи рад этилган. Бунга уларнинг Лионель Мессининг мазкур учрашувда албатта майдонга тушишини талаб қилгани сабаб бўлган.
Томонлар айни пайтда музокараларни қайта тиклаган. Шунга қарамай, Мессининг учрашувда иштирок этиши масаласи ҳануз очиқ қолмоқда.
Қайд этилишича, 39 ёшли Месси 2026 йилги Жаҳон чемпионатидан сўнг Аргентина терма жамоасидаги фаолиятини якунлаш вариантини кўриб чиқмоқда.
Аргентина ва Ўзбекистон терма жамоалари ўртасидаги ўртоқлик учрашуви 30 сентябрь куни Хитойда ўтказилиши кутилмоқда. Аргентина терма жамоасининг мазкур йиғиндаги иккинчи эҳтимолий рақиби ҳозирча маълум эмас.
