Йиғилишда йил бошидан буён республикада камбағаллик даражаси 5,8 фоизга тушгани ва эҳтиёжманд аҳоли сони 2 миллион 200 минг нафардан 1,5 миллион нафарга камайгани қайд этилди.
Ишни тўғри ташкил қилган 49 та туман ва 3 минг 429 та маҳалла ишсизлик ва камбағалликдан холи ҳудудга айланаётгани таъкидланди.
Бироқ қолган 159 та туман ва шаҳар ҳамда 5 минг 536 та маҳаллада масъуллар фаолиятида натижа етарли эмаслиги танқид қилинди.
Давлат раҳбари барча ҳудудларга бир хил ваколат, ресурс ва имконият берилганини таъкидлаб, улардан самарали фойдаланиш зарурлигини қайд этди.
