Россия Президенти Владимир Путин Киевга зарбаларни уч кун давомида тўхтатиш бўйича кўрсатма берди. Бу ҳақда Кремль матбуот котиби Дмитрий Песков маълум қилди.
Песков бу қарор АҚШ вакилларининг Киевдаги учрашувларини тайёрлаш ва ўтказиш билан боғлиқ эканини айтди.
Маълум қилинишича, 5 сентябрь куни Путин Москвага келган АҚШ президентининг махсус вакиллари Стив Уиткофф ва Жаред Кушнер билан музокара ўтказади.
Песков учрашувда Украина масаласини ҳал қилиш бўйича янги ғоялар муҳокама қилиниши ҳақидаги тахминларга изоҳ бериб, шошилмаслик ва музокаралар натижасини кутишни тавсия қилди.
Аввалроқ Дональд Трамп Уиткофф ва Кушнер Москвага Украинадаги можарони тугатиш бўйича таклиф билан бораётганини айтган эди. Бироқ у ташаббус тафсилотларини очиқламаган.
