Миллий статистика қўмитаси маълумотларига кўра, 2026 йилнинг январь–июль ойларида Ўзбекистонда 263 731 дона енгил автомобиль ишлаб чиқарилган. Бу 2025 йилнинг шу даврига нисбатан 22,6 минг донага кўп.
Етти ойда энг кўп ишлаб чиқарилган автомобиль модели Cobalt бўлиб, 91 140 дона тайёрланган. Кейинги ўринларда Damas — 47 521 дона ва Tracker — 25 779 дона билан қайд этилган.
Шунингдек, Onix модели 20 445 дона, BYD 17 765 дона, KIA 17 125 дона ишлаб чиқарилган.
Haval 5 778 дона, Chery 4 801 дона автомобиль ишлаб чиқарган. Chevrolet Damas Move модели бўйича эса 932 дона автомобиль тайёрланган.
Махсус енгил автомобиллар ишлаб чиқариш ҳажми 32 445 донани ташкил этган.
