Суд ҳужжатида қайд этилишича, у 2026 йил 21 апрель куни «Халқобод» маҳалласидаги уйда келинига ташқи кўриниши ёқишини ва у билан жинсий алоқа қилиш нияти борлигини айтган. Шунингдек, уни ўпишга уринган ҳамда қўли ва кўкрак соҳасига теккан.
Жабрланувчининг сўзларига кўра, бундай ҳолат бир неча марта содир бўлган. У воқеани видеога олганини, аммо оиласи бузилиб кетишидан қўрқиб, дастлаб ички ишлар органларига мурожаат қилмаганини билдирган.
Суд жабрланувчи ва гувоҳнинг кўрсатмалари, видеоязувлар, ариза, тушунтириш хатлари ҳамда бошқа далилларни ўрганиб, эркакнинг айбини исботланган деб топган.
Натижада у Маъмурий жавобгарлик тўғрисидаги кодекснинг 41¹-моддаси 1-қисми билан айбдор деб топилиб, 3 суткага маъмурий қамоқ жазосига ҳукм қилинган.
Шунингдек, маъмурий қамоқда сақланган ҳар бир куни учун 66 минг сўмдан, жами 198 минг сўм ундириш белгиланган.
Суд қарори устидан белгиланган тартибда апелляция шикояти берилиши мумкин.
