Ўзбекистон Президенти Шавкат Мирзиёев Озарбайжон Президенти Илҳом Алиевнинг таклифига биноан амалий ташриф билан Боку шаҳрига келди.
Ҳайдар Алиев номидаги халқаро аэропортда давлат раҳбарини Озарбайжон Бош вазири ўринбосари Шоҳин Мустафаев ва бошқа расмийлар кутиб олди.
Эртага, 15 октябрь куни Шавкат Мирзиёев Осиёда ҳамкорлик ва ишонч чоралари бўйича кенгашнинг еттинчи саммитида иштирок этади.
Ташриф доирасида хорижий делегациялар раҳбарлари билан қатор икки томонлама учрашувлар ҳам ўтказилиши режалаштирилган.
