15 октябрь куни Боку шаҳрида Осиёда ҳамкорлик ва ишонч чоралари бўйича кенгаш саммити доирасида Ўзбекистон Президенти Шавкат Мирзиёев Камбоджа Бош вазири Хун Манет билан учрашди.
Учрашувда икки мамлакат ўртасидаги амалий ҳамкорликни кенгайтириш, сиёсий мулоқотни ривожлантириш ҳамда савдо-иқтисодий алоқаларни фаоллаштириш масалалари муҳокама қилинди.
Томонлар парламентлараро алоқалар, маданий-гуманитар ва сайёҳлик соҳаларидаги ҳамкорликни кучайтириш муҳимлигини таъкидлади.
Шунингдек, ўзаро товар айирбошлаш ҳажмини ошириш мақсадида кўргазмалар ташкил этиш ва ишбилармонлик делегациялари ташрифларини йўлга қўйиш масалаларига эътибор қаратилди. Савдо-иқтисодий ва инвестиция соҳаларидаги асосий келишувларни ишлаб чиқишни жадаллаштириш бўйича келишувга эришилди.
