Ўзбекистон Президенти Шавкат Мирзиёев 16 октябрь куни Ёқилғи-энергетика тармоғидаги инвесторлар кенгашининг биринчи йиғилиши доирасида Туркиянинг “Aksa Enerji” компанияси директорлар кенгаши раиси Жамил Казанчини қабул қилди.
Учрашувда компания билан ўзаро манфаатли ҳамкорликни кенгайтириш, хусусан, унинг Ўзбекистон энергетика тармоғини ривожлантириш ва технологик модернизация қилишга қаратилган лойиҳалардаги иштирокини ошириш масалалари муҳокама қилинди.
Мулоқот якунида томонлар аниқ лойиҳаларни амалга ошириш бўйича ишларни жадаллаштиришга келишиб олди.
