Ўзбекистон Президенти Шавкат Мирзиёев 16 октябрь куни Ёқилғи-энергетика тармоғидаги инвесторлар кенгашининг биринчи йиғилишида иштирок этиш учун мамлакатга келган Ўмоннинг “Voltamp Energy” компанияси директорлар кенгаши раиси Саййид Айман ал-Бусайдийни қабул қилди.
Учрашувда Ўзбекистон ва компания ўртасидаги ўзаро манфаатли ҳамкорликни кенгайтириш масалалари муҳокама қилинди. Хусусан, қуёш электр станцияларини барпо этиш ва юқори кучланишли трансформаторлар ишлаб чиқариш бўйича лойиҳаларга эътибор қаратилди.
Мулоқот якунида компания иштирокидаги жорий ва янги лойиҳаларни “йўл харитаси” асосида амалга ошириш бўйича келишувга эришилди.
