АҚШ Давлат котиби Марко Рубио Президент Дональд Трамп маъмуриятини тарк этиши ёки 2028 йилги президентлик сайловларида ўз номзодини илгари суриши ҳақидаги хабарларни рад этди. У Трамп билан ишлаш аввалдан режаларида бўлганини таъкидлади. Бу ҳақда у "The New York Times" нашрига берган интервьюсида маълум қилди.
Рубионинг айтишича, унинг истеъфога чиқиши ҳақидаги гап-сўзлар қаердан пайдо бўлаётганини тушунмайди. У амалдаги фаолиятидан мамнун эканини билдирган.
"Ростини айтсам, бу миш-мишлар қаердан пайдо бўлаётганини билмайман. Мен қилаётган ишимдан мамнунман. Ишдан кетишим ҳақида гапиришганида доим куламан. Мен эса: "Қайси ишдан?" деб сўрайман", — деган АҚШ Давлат котиби.
Шунингдек, журналистлар Рубиодан 2028 йилги президентлик сайловларида иштирок этиш нияти бор-йўқлигини ҳам сўраган. Бироқ у бу саволга аниқ жавоб беришдан бош тортган.
"Мен 2028 йил ҳақида бошқа гапирмайман. Шунчаки гапирмайман", — деган у.
Эслатиб ўтамиз, АҚШда навбатдаги президентлик сайловлари 2028 йил 7 ноябрь куни бўлиб ўтади.
