Ўзбекистон президенти Шавкат Мирзиёев Туркия президенти Ражаб Тойиб Эрдўған таклифига биноан 10–11 ноябрь кунлари Анталия шаҳрида бўлади. Бу ҳақда давлат раҳбари матбуот хизмати хабар берди.
Қайд этилишича, президент Бирлашган Миллатлар Ташкилотининг Иқлим ўзгариши бўйича Ҳадли конвенцияси томонлари конференциясининг 31-сессияси (COP31) тадбирларида иштирок этади.
Глобал иқлим саммитида давлат ва ҳукумат раҳбарлари, нуфузли халқаро ташкилотлар ҳамда молия институтлари вакиллари қатнашиши кутилмоқда.
Анжуман доирасида иқлим ўзгаришига қарши курашиш, экологик хавф-хатарларнинг олдини олиш ва «яшил» тараққиётни илгари суриш масалалари муҳокама қилинади.
Давлат раҳбари саммитнинг ялпи мажлисида нутқ сўзлаши, шунингдек, қатор икки томонлама учрашув ва музокаралар ўтказиши режалаштирилган.
Маълумот учун, Ўзбекистон БМТнинг Иқлим ўзгариши бўйича Ҳадли конвенциясига 1993 йилда қўшилган. 2018 йилда эса Париж битимининг иштирокчисига айланган.
