11 ноябрь куни Ўзбекистон Президенти Шавкат Мирзиёев Туркиянинг Анталия шаҳрида ўтаётган COP31 саммити доирасида Жаҳон банки гуруҳи президенти Ажай Банга билан учрашди.
Учрашувда томонлар ўртасидаги стратегик шерикликни янада кенгайтиришнинг амалий жиҳатлари муҳокама қилинди. Қайд этилишича, айни пайтда Жаҳон банки билан ҳамкорликдаги лойиҳалар портфели қарийб 16 миллиард долларга етган.
Шунингдек, декабрь ойида Тошкентда ўтказилиши режалаштирилган Халқаро тараққиёт уюшмаси маблағларини ўрта муддатли ўрганиш бўйича форумга тайёргарлик масалалари кўриб чиқилди.
Учрашувда иқтисодий ўсиш ва янги иш ўринлари яратиш, ҳамкорлик бўйича янги Мамлакат дастурини ишлаб чиқиш, инфратузилмага хусусий инвестицияларни жалб қилиш, хусусийлаштириш ҳамда сув хавфсизлигини таъминлаш шерикликнинг устувор йўналишлари сифатида белгиланди.
