Ўзбекистон ва Франция мудофаа, хавфсизлик, кибертехнологиялар ҳамда сунъий интеллект соҳаларидаги ҳамкорликни ривожлантириш масалаларини муҳокама қилди. Бу ҳақда Ўзбекистон Республикаси Президенти Администрацияси раҳбари Саида Мирзиёева маълум қилди.
Унинг билдиришича, Париж шаҳрида Франция Президенти Эммануэль Макрон билан бўлиб ўтган учрашувда Ўзбекистон Президенти Шавкат Мирзиёевнинг самимий саломи етказилган.
Мулоқот давомида икки мамлакат ўртасидаги стратегик шерикликни янада ривожлантириш истиқболлари юзасидан фикр алмашилган. Хусусан, мудофаа, хавфсизлик, кибертехнологиялар ва сунъий интеллектдан тортиб, йирик иқтисодий ҳамда гуманитар лойиҳаларгача бўлган йўналишларда ҳамкорликни кенгайтириш масалалари кўриб чиқилган.
