Россиянинг Красноярск шаҳридаги ўликхоналардан бирида кекса аёлнинг жасади йўқолди, деб хабар берди “Тvzvezda.ru” нашри.
Жасадни бирор ёвуз ниятли одам ўғирлаган, деб тахмин қилинмоқда.
Кекса 88 ёшли аёлнинг жасади суд-тиббиёт экспертизаси ўтказиш учун ўликхонага юборилган. Тегишли текширувлардан кейин кампирнинг жасади ўликхонанинг пастки қаватидаги музлаткич камерага жойлаштирилган.
Орадан бир неча кун ўтгач, кампирнинг қариндоши жасадни олиб кетгани келган. Аммо жасад қўйилган музлаткич камера бўм-бўш бўлган.
Мазкур факт бўйича Тергов қўмитаси РФ ЖКнинг 293-моддаси 1қисми билан (хизмат вазифасига совуққонлик билан қараш) жиноят иши қўзғатилди.
