АҚШнинг Вашингтон шаҳрида Дональд Трампнинг инаугуруцияси ва сайланишидан норози бўлган эркак ўзига ўт қўйди, деб хабар берди “Lenta.ru” нашри.
Воқеа 17 январь куни, кечқурун Пенсильвания-авенюдаги Trump International Hotel меҳмонхонаси олдида содир бўлди. Меҳмонхона ходимлари полицияга қўнғироқ қилди. Ҳозирча ўзига ўт қўйган эркакнинг номи ошкор этилмади. АҚШнинг бир қанча шаҳарларида Трампга қарши норозилик намойишлари бўлиб ўтди. Ҳаттоки Трампнинг 20 январь куни бўлиб ўтадиган инаугурацияси пайтида уюштириладиган намойишда иштирок этган одам учун пул тўланиши ҳақида эълонлар ҳам пайдо бўлди.
